叁薯 (已結業)

本身很喜歡食薯仔，經過見到呢間有焗薯食，仲要米芝蓮推介，衝動下試左，點知中伏!由於唔係太肚餓，又想食d香口d既食物，所以要左個香煎煙肉洋蔥薯餅。賣相其實唔錯，但一咬落去，得外面有小小脆，入面又淋又黏口，果種黏口係滑潺潺果隻，個人唔係咁接受。味道方面，sour cream好夾焗薯，但原來唔係好夾薯餅，加上油份感覺好油膩。最大問題係，個薯餅真係好油，淨係滴返出來既油都有1湯匙咁多! 食到尾真係堅持唔到，太油，就算唔想浪費都只好掉左佢。事後睇返原來間野轉左手，質素下降，下次都係check清楚先好試。