薩莉亞意式餐廳 (昇御商場) (已結業)

去左紅磡間薩莉亞度試食 即使係下午茶時段晏晝3點幾都幾多人下 3個人等位都等左4-5個字 而且仲俾門口個服務員飛左我地個waiting 我地去問番嗰陣仲要西哂口面咁入到去之後叫左個忌廉栗米湯 雞肉pizza 同埋招牌多利亞飯 個栗米湯就唔太好食 又無栗米味道又淡又稀 份量又少 pizza就算係咁 普普通通咁 而個飯就真心唔錯既 其實佢係一個芝士飯 啖啖芝士 雖然份量唔多 不過都叫做飽肚 最後埋單都係一人4十幾 平平地都幾底食