葫蘆館 (已結業)

冬天食薑汁撞奶就最啱，難得今日幸運地唔洗排隊，所以心情更加好。呢度薑汁撞奶薑味好重，味道好辣，唔會太甜，食完好暖身。不過當然因為即撞嘅緣故，口感就無咁硬實，一放入口就會溶化做豆漿咁嘅口感，唔會似平常食到嘅咁solid。友人order嘅其他糖水質素都唔錯，尤其核桃糊好綿密夠厚身，而且無渣食落好smooth，同樣唔太甜，甜味都來自天然嘅核桃甜味；芒果西米露就度度都一樣架喇，都幾難唔好食！觀塘有好幾間糖水舖，賣嘅糖水都差唔多，呢間地理位置上無裕民坊個幾間咁方便，但呢度多咗招牌撞奶，感覺就差好遠，就算唔食撞奶都願意行上少少幫襯佢。