金記冰室 (置富南區廣場) (已結業)

🥩今晚放工去咗薄扶林，順便食個晚飯。今晚想鋸扒，所以去金記冰室叫鐵板西冷牛扒餐。今晚揀咗配薯菜同蒜蓉汁。牛扒五成熟，喺鐵板上滋滋地煮一陣都接近七八成熟了，牛根同脂肪部分鎖住豐富肉汁。主菜除咗有厚切波浪薯條之外，仲有西蘭花，粟米，洋蔥，唔止營養豐富，顏色都豐富。🥬加配冰鎮芥蘭配日本芥辣，第一次咁樣食芥蘭，芥蘭爽脆，增加蔬菜纖維無妨。今晚揀咗中式老火湯，唔會油膩，又補身。🍹飲品揀咗菠蘿柚子冰，柚子味清甜，大大粒菠蘿一啲都唔吝嗇。🍨見等緊嘅巴士仲未到，忍唔住嗌多個甜品，一直好想試西多士雪糕。西多士加煉奶，雲呢拿雪糕加朱古力醬，非常滿足。