笑左衛門 (已結業)

平時好小去土瓜灣，今日經過見到呢間餐廳名幾有趣，入面都幾多人，就決定入去試下。皆因我係蕃茄控同麵控，所以一見到 menu 諗都唔洗諗即刻嗌蕃茄豬軟骨烏冬。烏冬好滑同十分彈牙，豬軟骨夠淋夠入味，仲有半隻蛋，而蛋黃係半熟的，十分驚喜。不得不提佢個蕃茄湯底濃味，感覺上好似係真蕃茄湯，而我都忍唔住成個湯飲晒，飲完仲要無好口渴既感覺。然後追加咗一碟三文魚壽司，十分新鮮好好食！離開時仲見到好多人入緊嚟食嘢，估唔到生意咁好。