點一龍 (海港城) (已結業)

一行八人訂o左位試o下呢度o既下午茶點心放題~ 任點任食兩個鐘$158~ 仲有燕窩系列點心四款~ 我地order o左第一round都等o左15分鐘...因為d o野係即叫即蒸wor~ d蝦餃同燒賣真係好足料好多蝦~ 又夠晒熱~ 不過呢d一籠得兩粒...一次一款又只可叫兩碟...所以要分好幾次order...另一個好食o既就係"墨西哥"皮o既包頖~ 有叉燒包, 芋頭包同埋朱古力包~ 好正~ 其他傳統點心 e.g. 馬拉糕, 牛肉球, 春蛋燒賣都唔錯~ 反而腸粉類就一般...唔係好夠熱...炸類點心都幾好~ 炸雲吞真係好脆~ 仲有芝士春卷同芋角都好正~ 佢o既蘿蔔糕都係炸~ 上面仲有蝦膠~ 幾特別~ 叫o左菜乾粥同皮蛋瘦肉粥~ 好綿好好味~ 不過好大碗~ 人多share就ok~ 甜品方面...比較特色o既係西瓜糕...個樣都成件西瓜咁~ 幾得意~ 可惜味道一般...反而傳統菊花糕仲好食~ 佢呢個下午茶放題仲有個賣點就係一人有四款燕窩點心~ 燕窩蛋撻, 燕窩布甸, 燕窩杏汁包同埋燕窩椰汁三寶~ 最多燕窩係蛋撻...其餘三個唔多覺有燕窩...反而椰汁味仲重...我地都係每款叫兩碟試o下就無再