緣味小聚 (LADDER Dundas) (已結業)

印象中應該第一次食蒸海鮮， 味道鮮味真係冇其他餸菜能比！今晚飯點咗268蚊星級大鮑魚套餐， 套餐包咗一個蟲草雞燉湯，鮑魚、聖子王、帶子、花甲等等。 食到尾仲可以任食牛頸脊、粟米、牛肉球、芋頭、各類蔬菜甜品同埋會嚟一個八寶飯。268蚊呢個價錢真係冇得輸。 侍應會幫你全程處理蒸煮海鮮， 連鮑魚都會幫你剝埋學彀， 招呼十分周到！ 海鮮非常之新鮮，烹調時間啱啱好，唔會出現overcook嘅情況。個燉湯據說燉足六個鐘， 鮮甜美味； 好想飲多個碗！唯一不足嘅地方就係， 地方太細，座位與座位之間有少少迫嘅感覺，但係價錢同埋食物質素足以彌補呢個小小嘅缺點。