潮福蒸氣石鍋 (已結業)

今次徐先生掉低徐太太，自己一個出去食好西。話說今日同舊同事farewell，有緣相聚，離開當然要食得特別啲。呢度全部煮食過程都由侍應哥哥姐姐代勞，我地全程專心傾計，煮好我地就自動波咁夾嚟食。佢有個timer定時會叫，確保食物唔會over-cook。我地點嗰4款海鮮都好新鮮，之後任點嘅菜式都好特別，全部都唔係啲例牌行貨，搞到我每款都想叫。最正係個粥底，集合所有海鮮加肉汁嘅精華，最衰食得太豐富，食唔晒個靚粥，有啲可惜。