華苑酒家 (已結業)

突然今日成日落毛毛雨，又寒又凍。本來打算食泰國菜，後來朋友提議食蒸海鮮，每位$288包四款海鮮，其餘蒸料飲品任飲任食，仲有三款粥底可以揀。先蒸元貝，配上蒜蓉粉絲，味道鮮甜。鮑魚size唔算細，加埋杞子丶蟲草花丶大蔥和薑一齊蒸，一D都唔馬虎。蝦，都ok!蟶子王超大隻，啖啖肉。蒸雞好味，有紅棗係入面，本來想encore再叫，但太飽了。蒸菜和菇，個人覺得勝瓜最好味，每次蒸海鮮都必食勝瓜。最後還吃了蝦丸、墨魚丸、牛丸、牛肉粒及馬拉糕。最出色是牛肉粒，牛味突出。粥底都結集了所有食材的精華，越食越滋味。