叫左平d既餐，雖然要328，一開始都覺得少少貴，但看到海鮮送到時，就立馬改觀，因為真係好好好新鮮，等我講下有咩海鮮。
全程都會有專責既侍應全天侯幫助，其實咩都唔使做，齋望就食得！
食過蒸氣火鍋既人都會知，首先選擇好個粥底先，去到最後所有海舛既精華都落哂去個粥度，我選擇了南瓜粥，因為想個粥甜d!
一開始有蒸蛋，係一個小驚喜，蛋好滑，加上少少黑松露，立刻變得高級左。
入正題，鮑魚，元貝，蠔，全部都好新鮮，剛巧老闆經過，佢話d海鮮成本絕對唔慳，蒸氣火鍋要配上最新鮮既食材，最簡單沒有調味，食出真味道。聽完之後，就覺得328其實都幾超值！
最後個粥真係亮點，因為加上所有精華，就算唔加鹽，都已經好夠味！！
