名世鮮小廚 (已結業)

可能係屋村舖頭嘅關係，我中午嚟啦，佢都肯就咁蒸兩隻扇貝（70蚊一隻，都幾抵 大扇貝街市買都50/60蚊）俾我，鮮甜好味，粉絲蒜蓉豉油比例合適。如果係女士食，可以唔使跟飯，因為佢真係好多粉絲。順帶一提，呢度啲員工都親切，同客人好似朋友咁傾偈，但亦都好有禮貌，唔似有啲茶餐廳真係好冇禮貌，會呼呼喝喝，都唔知點形容。在順帶一提，呢度上一手係平民版法國餐廳，$400 -500 一個頭嗰種。所以佢哋個裝修，都好唔茶餐廳😂會有d 吊燈，掛畫。所以幾搞笑。