小肥羊 (已結業)

以前都有哩小肥羊，除咗食火鍋外，佢哋有個任點任食點心餐，我同屋企人揀咗尋日晏晝去食，食2:00-4:00pm個時段，食物就一樣（同一張點心紙），但就平Ｄ嘛，每位$40，另收茶芥每位$6，加埋一每人都係$50.6，已經有成56款蒙、京、粵、川、滬嘅點心、前菜、粥粉麵飯同甜品！最緊要係Ｄ嘢食幾好味，環境唔錯，招乎又ＯＫ！雖然張點心紙寫住第一次同第二次柯打，基本上都係任點任食，但最好唔好亂叫食唔晒就嘥嘢啦！老實講，我哋今次得三個人真係無可能試晒56款，但都食咗成20個點心。以下係自己個人心水：咖喱蒸土魷- 咖喱有蒜香，土魷夠爽，唔會韌都咬唔到XO醬蘿蔔糕–好惹味，蘿蔔糕煎得表面金黃香脆，稍為蘿蔔味削身咗少少蒙古餡餅–雖然係羊肉餡，因薄薄一層唔會太羶，餡餅唔係滬式一大舊包個隻，係薄身嘅，面層炸到有少少脆口蔥油海蜇頭- 海蜇頭爽口，蔥油味都拌得啱啱好柑柚子桂花糕–好醒神嘅甜品，柑同柚子味都好突出，但又嗒到陣陣桂花香