泰星匯泰國菜

營業中

休息中

我本身未去過泰國，但泰國菜都食過唔少，葵涌廣場同新都會廣場多野食就個個都知架喇，但自己唔鐘意掃街唯有出去外面搵下野食。經葵涌廣場條天橋落去原來都有好多野食。行左個圈之後都係揀咗呢間泰星匯泰國菜，鋪頭細細但都坐到好多人，一嚟到睇睇個menu就即刻揀到，我發覺我食親泰國野都會揀呢個A3 香葉肉碎煎蛋飯裡面好豐富有大量肉碎，豆角同香葉，加左少少辣椒碎，好香口撈飯食一流。仲有唔好睇少隻蛋，我睇泰國人整呢個飯隻蛋係會拎去炸，所以雖然望落好似熟哂，但其實個蛋黃係會流汁架，又係拎嚟撈飯食！