10分麵包

營業中

休息中

玩完芝士拉絲餅、再玩自助韓國公仔麵🍜再食醬油蟹🦀有得玩又有得食韓式自助麵機：煮麵新體驗！🍜之前成日喺短片見到韓國人玩呢部自助公仔麵機，好得意㗎嘛，今次終於親身試玩！原來真係比杯麵更上一層樓！😯 杯麵有時啲麵會硬硬地，但呢部機用水煮足3至4分鐘，啲麵條就變得好煙韌、滑溜溜，好有「地道即煮拉麵」嘅感覺！而且仲可以揀配料！✨ - 普通配搭（香腸＋蛋）：$40💰 - 升級版配搭（肉類、芝士年糕）：$50💰 流程係咁嘅：老闆娘會俾你啲餸菜，你自己揀完麵之後放入機內煮就得！最神奇嘅係啲水點解一滴都唔會瀉出嚟呀？😲 一路望住機煮麵，好治癒～🥹💕人氣韓式拉絲芝士餅「10分麵包」🧀呢個「10分麵包」係葵芳嘅人氣之選，好多街坊專登嚟排隊買！😋 食過幾次，真係回味無窮！佢嘅質感似雞蛋仔，但又係芝士蛋餅嘅混合體，咬落去香脆之餘仲可以拉絲，啲芝士好足料，可以拉到二三十厘米咁長，真係好好玩！🧀✨ 而家仲有好多新口味推出，我今次叫咗以下 3 款： 1️⃣ Pizza味：經典芝士混合番茄醬，好似迷你Pizza咁～🍕 2️⃣ 粟米蟹柳：有啲鮮甜嘅海味、蟹柳！🦀🌽 3️⃣ 朱古力芝士：鹹甜交融，芝士同朱古力竟然咁夾！