正宗山西刀削麵皇

營業中

休息中

有一日經過葵芳見到呢間刀削麵，lunch都幾多人排隊，咁岩我一個人又唔使等位，又好耐冇食過就入去試一試啦。入面環境都幾乾淨，不過空間感唔太大，唔算多位，食飯時間就一定要排隊啦我估。見到餐牌有有湯有熱同冷拌嘅選擇，咁樣嗰日咁熱就試一試冷拌刀削麵啦。配菜方面，我就叫咗牛腱，份量都幾多下，我留意到好多人都有另外加麻辣醬，所以鍾意食辣嘅我緊係試一試啦。辣醬真係幾惹味，佢既辣度唔算係死辣有層次感好啱撈麵食。咁講返麵方面啦，煙韌度就還可以，我覺得配菜出色過刀削麵。我見好多人都係揀湯麵，我諗個湯底應該唔錯，下次再嚟試吓先。