生日就係要食到癲！🦀🧁10月係米菲生日月，點都要安排返啲儀式感～
一早諗好行程，先去葵涌Outlet行個圈，買埋生日禮物，買完轉場去附近Hotel Cozi - The Platter 食海鮮自助餐，一條龍行程，夠晒完美！
🦀今期主打「海王盛宴」，真係海鮮控天堂！龍蝦、生蠔、蟹腳、刺身全部任你食～凍食＋熱食有數十款海鮮選擇，種類豐富，品質新鮮🦀，重點係 refill快。
凍海鮮有長腳蟹、麵包蟹、螺、蝦、青口…麵包蟹膏多，長腳蟹夠晒鮮，啖啖肉，仲有刺身供應，三文魚、吞拿魚肥美可口，仲有無限阿根廷赤蝦，肉厚新鮮。🦪 即開即食，新鮮生蠔肉飽滿，爽！脆！鮮！甜！
🍽️ 熟食都有驚喜，都有好多海鮮選擇，有胡椒蟹、波士頓龍蝦，必食之選！唔使排隊，肉質彈牙熱辣辣龍蝦送上枱，無限供應！
講完海鮮，仲有即切烤肉🥩，燒羊鞍+燒原條穀飼肉眼扒，肉質軟嫩唔韌柴～羊鞍無羶味，外焦內嫩，食肉獸都可以滿足埋！
🍰甜品區～蛋糕、布甸、窩夫樣樣齊，仲有Häagen Dazs雪糕杯任食🍨！飲品方面都有汽水、咖啡、茶任你揀～
成個環境舒服，服務都唔錯，整體嚟講性價比高，生日飯搞到咁都算交足功課啦！
————————————————
─ 🔎 𝑀𝑜𝑟𝑒 𝐼𝑛𝑓𝑜𝑟𝑚𝑎𝑡𝑖𝑜𝑛 ─
評分📝：9/10
地址📍： The Platter (悦品酒店‧荃灣) | 香港葵涌青山公路 - 葵涌段443號悦品酒店‧荃灣LG樓
—
