小島•澳門菜 (已結業)

Time Square 高層有好多餐廳，好耐無食葡國菜，見到有間小島·澳門菜，環境睇落好乾淨，空間又闊落，所以入去試下。有Set Dinner, 不過我選擇散叫，咁樣可以試多D唔同款式的菜。鮮橙葡撻：橙味的食物是我很喜歡的，所以一見到，我即刻叫了一個鮮橙葡撻來試試！這葡撻不但保留了傳統葡撻既風味，同時加入創新元素，鮮橙味很清新，令到整個葡撻富有新鮮感。我們點左個小食，芝士馬介休球伴香草沙律汁，一上枱已經聞到香噴噴，食落香口唔會炸得太乾，中間的芝士係流心的，仲有香草沙律汁同辣醬點，口感層次好豐富。仲點左烤焗盲鰽魚伴檸檬牛油汁煮海蜆，海蜆數量多，有微微的牛油和忌廉味。盲鰽魚肉質好滑，唔多骨，魚肉鮮甜，仲有好多配菜，味道好好。價錢中上，偶然食一餐都無妨。