有囍 (已結業)

第一次黎食呢間，太子旺角都有好多選擇不過未食過就黎試下啦，結果好失望，落差大，而且價錢貴。。。腊味炒飯。不太好，雖然炒飯唔算好多油都算乾爽但問題係唔夠腊味既味道，本身味道都太淡，腊味太少太細粒，唔係想像中既味道。野菌豆腐，還可，同紅燒豆腐唔同叫法，呢個餸去到邊都應該可以接受，想整得唔好食都幾難，所以無特別。一字骨，普通，味道沒有特別。不過真係好多骨又少肉所以就唔太喜歡了。咕嚕骨，普通，一上菜就再用火燒著熱著，只係呢個方式特別，不過唔夠酸所以唔太得。海鮮湯，唔太得。湯內都有菜同野菌，份量一般不過海鮮就真係沒有咁濟了，而且湯有點點苦，但又唔知點解，唔知係海鮮影響定其他因素了，所以唔岩我了。開邊蒸海蝦，呢個真係好唔抵，接近二百蚊但數量少之餘，蝦又細隻，口感又唔太得，蝦肉林得濟，覺得好唔抵。總結唔抵，味道唔得，無下次。