影片
更多
2016-10-30
503 瀏覽
這裏食物算ok，但今天冇食到，因為漏單仲反問我落左單未，今天到達至走人大約用了25分鐘，在這期間後到的客人亦已陸續有食物送到，但我order一樣都冇到，問女侍應座枱夾單呢？話在後面，但望唔到，全部過程如下（寫在題外話）
題外話/補充資料：
今天中午大約1時許到達此餐廳， 只得大約10多位客人，左手邊四張枱得一張有兩個人正在吃， 揀了第二張枱，因兩個女兒不愛辣， 所以小心選擇， 跟着找來一位冇戴眼鏡的男侍應落單，但等了大約15-20分鐘女兒已多次叫 乜咁耐都冇嘢到:(？ 再望望遲來的第一， 二張枱已開始有食物陸續到， 而睇到他們枱上都有張座枱夾單，所以便問問女侍應， 點解我冇張單？ 有冇漏單？ 女侍應話放在後面， 我望望又唔覺有， 已經奇怪了， 再等多陣， 嗰個冇戴眼鏡男侍應走埋來， 問我： 你們落咗單未？ :huffy:嘩！之前係你幫我落單架，問我落單未？我未出聲，太太已經話我們唔食了，立即執野走！
有冇搞錯？ 我問你地有冇落單又話有，我坐左冇半小時都有25分鐘，你依家至問我有冇落單？仲要係原本幫我落單嗰個冇戴眼鏡男侍應問 :huffy:！ 要問都唔係成２０多分鐘至問下話？我有冇落單不是你地應該check嗎？問我？你地咁做得hea，唔怪得咁少人，服務評分果欄應該係負分
以上真人真事，希望別因是劣評而被刪
(以上食評乃用戶個人意見 , 並不代表OpenRice之觀點。)
張貼