影片
更多
2008-06-07
今日約定男朋友放工就要黎食，點知臨放工前2個鐘比左一大份學生名單要我入，結果要開OT.....嗚.....攪掂即刻由上水飛去紅磡，果日仲要落住大雨.....成身都濕哂....同男朋友約好地方等，大約8點鐘終於到左時新門口喇！不過係門口一望，咦？無人既？？？入到去，得一張台坐左兩個人，仲有兩個人買外賣，可能落太大雨無咩人黎，不過一心黎食，點會因為無咩人就唔食呢？？我地叫左個炸雞腿，雙層芝士漢堡蛋包，同個魚柳包。後來追加個雙層芝士漢堡，等左幾分鐘就有得食喇！先食雞腿，真係好好味，無炸到乾哂，D肉仲好滑，好香好好味，我仲食到有薑味。正！食完個雞腿先食個漢堡包，個飽仲係超級熱辣辣！仲要真係好大個，塊肉好香，好多洋蔥粒係入面，超香口！加左塊蛋，口感仲特別！魚柳包塊魚柳好滑，唔會乾，無左果D炸粉皮，口感仲豐富！強烈建議大家加蛋食，味道會更加好！最開心最開心既係，我男朋友食緊果時話「好味」，「可以買外賣返去食」(佢住荃灣)，同埋話「不如買多個黎食」(唔係因為佢好餓，佢未食之前仲嗌飽= =")，出左去之後仲話「我覺得好食過MOS BURGER喎！」哇！！！！超開心！我男朋友未試過食野嗌好味，頂多話「
點知臨放工前2個鐘比左一大份學生名單要我入，
結果要開OT.....嗚.....攪掂即刻由上水飛去紅磡，
果日仲要落住大雨.....成身都濕哂....
同男朋友約好地方等，大約8點鐘終於到左時新門口喇！
不過係門口一望，咦？無人既？？？
入到去，得一張台坐左兩個人，仲有兩個人買外賣，
可能落太大雨無咩人黎，
不過一心黎食，點會因為無咩人就唔食呢？？
我地叫左個炸雞腿，雙層芝士漢堡蛋包，同個魚柳包。
後來追加個雙層芝士漢堡，
等左幾分鐘就有得食喇！
先食雞腿，真係好好味，
無炸到乾哂，D肉仲好滑，
好香好好味，我仲食到有薑味。
正！
食完個雞腿先食個漢堡包，個飽仲係超級熱辣辣！
仲要真係好大個，
塊肉好香，好多洋蔥粒係入面，超香口！
加左塊蛋，口感仲特別！
魚柳包塊魚柳好滑，
唔會乾，無左果D炸粉皮，口感仲豐富！
強烈建議大家加蛋食，
味道會更加好！
最開心最開心既係，
我男朋友食緊果時話「好味」，
「可以買外賣返去食」(佢住荃灣)，
同埋話「不如買多個黎食」(唔係因為佢好餓，佢未食之前仲嗌飽= =")，
出左去之後仲話「我覺得好食過MOS BURGER喎！」
哇！！！！超開心！我男朋友未試過食野嗌好味，
頂多話「OK喎」咁咋！
同埋唔會係嗌過飽既狀態下仲要食多個架！
我個超嘴勺男朋友竟然咁滿意，實左太興奮！
不過男朋友話：小食多滋味
又岩既！因為住太遠都唔可以經常食到，
所以唯有期待下一次，
但我肯定一定會有下次的！！！
張貼