影片
更多
2023-11-23
53 瀏覽
2023年10月31日 星期二又到左一年一度嘅萬聖節，今年嘅氣氛已經回復到疫情之前一樣咁熱鬧，但係我同老婆都冇打算去蘭桂坊感受氣氛，只係想放工之後靜靜地搵一間餐廳食餐飯，於是又嚟咗圍方搵嘢食呢間餐廳一入到門口已經見到擺滿晒萬聖節裝飾，十分之有氣氛，加埋餐廳嘅主題係海盜，無論裝修同格調都好有特色呢間餐廳嘅招牌菜當然就係海鮮袋，可以選擇唔同種類嘅海鮮，加埋醬汁混合埋一齊蒸熟，見到每一台嘅客人都必點，當然我哋都唔例外除咗海鮮之外，見到餐牌其他小食同主菜都好吸引，所以各點咗一款嚟試吓點完餐等咗一陣，飲品就首先送到，我哋分別要左simple kids同mad me，simple kids裡面有蝶豆花、乳酸同荔枝，味道酸酸甜甜幾開胃，而mad me就有西柚汁同菠蘿汁，味道十分清新之後食物開始陸續送到，有招牌蟹肉手工漢堡，淨係見到個包係黑色就已經覺得好特別，不過最估唔到嘅係裏面既餡料，原本以為只係普通蟹餅，應該都有用麵粉撈埋一齊，但係估唔到咬落去竟然係一疏疏嘅蟹肉，食落去好滿足，而且作為配料嘅薯條都炸到脆卜卜添終於輪到主角出場，店員拎住海鮮袋嚟到嘅時候仲會包住搖晃幾下，務求令到裏面嘅所有配料都沾滿醬
又到左一年一度嘅萬聖節，今年嘅氣氛已經回復到疫情之前一樣咁熱鬧，但係我同老婆都冇打算去蘭桂坊感受氣氛，只係想放工之後靜靜地搵一間餐廳食餐飯，於是又嚟咗圍方搵嘢食
呢間餐廳一入到門口已經見到擺滿晒萬聖節裝飾，十分之有氣氛，加埋餐廳嘅主題係海盜，無論裝修同格調都好有特色
呢間餐廳嘅招牌菜當然就係海鮮袋，可以選擇唔同種類嘅海鮮，加埋醬汁混合埋一齊蒸熟，見到每一台嘅客人都必點，當然我哋都唔例外
除咗海鮮之外，見到餐牌其他小食同主菜都好吸引，所以各點咗一款嚟試吓
點完餐等咗一陣，飲品就首先送到，我哋分別要左simple kids同mad me，simple kids裡面有蝶豆花、乳酸同荔枝，味道酸酸甜甜幾開胃，而mad me就有西柚汁同菠蘿汁，味道十分清新
之後食物開始陸續送到，有招牌蟹肉手工漢堡，淨係見到個包係黑色就已經覺得好特別，不過最估唔到嘅係裏面既餡料，原本以為只係普通蟹餅，應該都有用麵粉撈埋一齊，但係估唔到咬落去竟然係一疏疏嘅蟹肉，食落去好滿足，而且作為配料嘅薯條都炸到脆卜卜添
終於輪到主角出場，店員拎住海鮮袋嚟到嘅時候仲會包住搖晃幾下，務求令到裏面嘅所有配料都沾滿醬汁，海鮮袋一打開嘅時候熱辣辣，散發着誘人嘅香氣，醬汁我哋要咗卡疆蒜蓉汁，越食越惹味，辣勁仲會慢慢滲透出嚟添
至於海鮮我哋分別要咗海蝦、魷魚同八爪魚仔，海蝦同魷魚都好大彈牙，不過個人最鍾意八爪魚仔同作為配料嘅薯仔，因為佢哋完全吸收晒醬汁嘅味道
最後我哋仲要咗小食船長爆谷蝦，原本以為啲蝦會好似爆谷咁一粒粒咁細，冇諗到原來每舊都咁大，而且仲炸到脆卜卜，但炸漿又唔會太厚，點埋沙律醬一齊食會冇咁油膩添
埋單大約九百蚊，食到咁多海鮮，物有所值！！
張貼
