Patisserie Yamakawa (已結業)

萬聖節，肥髀要做功課係得出去扮鬼，我打算買件靚靚蛋糕一齊食慶祝（其實係搵個籍口食甜品 ）上網搵銅鑼灣甜品店（通常我會搵啲未試過嘅）呢間之前經過幾次，啲西餅好靚好精緻，但個價錢都好⋯⋯ （一件西餅價錢，真係可以買個半磅蛋糕）所以趁節日豪一下（又係籍口 ）其實只係一個玻璃櫃位圍起嘅店，無座位，只可以外賣，去到望住玻璃櫃內嘅西餅，真係想樣樣都試 見有萬聖節主題布甸（不過只係個容器嘅樣靚，而且唔想食布甸！我揀咗幾耐（實在太花多眼亂）兩個店員都好有耐性，我揀好之後，店員戴好即棄手套攞西餅，再放入一個好實淨紙盒，仲有個紙格放乾冰，再比我確認一次之後，再放入紙袋（真係好唔環保 ）店員仲會用膠紙黏實西餅底紙卡，以防傾斜！服務同細節都好用心（一分錢一分貨）如果有埋地方坐低配杯茶一齊食，就更滿足！栗子布朗蛋糕--魚佬食，佢對甜品無乜大興趣，唯一係栗子好啲！佢話好味！綠茶幻想曲--我同肥髀兩件各一半分享，蛋糕用錫箔紙包住，以免水份被雪櫃吸乾，上面兩塊綠色朱古力無茶味，只有甜味，淨食會好甜，夾埋蛋糕食會平衡啲，蛋糕有綠茶味，唔係好濃，蛋糕鬆軟，幾好！朱古力熱情果慕絲蛋糕--外圍幾塊朱古力比肥髀KO晒