魚米 (已結業)

放假訓到自然醒，睜大眼已經下午1點幾...天氣依然涼涼地，忽然間勁想食煲仔飯，嗱嗱林梳洗完碌出街。記得荃灣眾安街有間餐廳有煲仔飯，一個個瓦煲放門口煮真係好吸引，但吾知lunch 有冇...出到荃灣，不出所料，lunch 真係冇...咁冇計啦，唯有求其搵間餐廳食啦。最後揀左附近既魚米。呢間餐廳自稱係"原條魚米線專門店", 因為真係想有粒米落肚，所以最後揀左果醋豬軟骨菜飯+熱奶茶。先黎熱奶茶，麻麻地吾夠滑，不過我都吾期望有太興既水準，所以都可接受。再黎果醋豬軟骨菜飯，菜飯熱辣辣好似岩岩煮好咁。豬軟骨份量中等，勝在夠入味同個汁夠濃，因為加左果醋，所以酸酸地好開胃，食完仲好黏嘴。最後埋單45蚊落樓，以荃灣區黎講吾算平，但可以接受。