雲魅 (已結業)

今日同朋友嚟試新野，搜尋到間值得推介嘅餐廳，好食嘅雲南菜真係唔多，呢間確係好食。揀咗兩款午餐，前菜．主菜．飲品，價錢只係幾十蚊，抵食👍🏻「雲魅蕃茄湯 配 七彩麵」原鍋湯底滾住上，熱辣辣，未加入配料前...飲啖湯先。味道濃郁，湯底裡面有新鮮蕃茄。店員溫馨提示 最後加入七彩麵，wow...麵質滑嘟嘟，唔會淋哂😋「雲魅芹菜牛肉飯」啖啖牛肉混入爽口芥菜，原來味道可以咁夾，份量都唔少👍🏻海帶絲酸酸辣辣，加入芝麻粒，好醒胃。萵筍絲好惹味，好香蒜味又辣辣地，刺激下味蕾，好值得一試，新鮮爽口，餐廳坐位寬敞．環境好舒適，開放式廚房感覺更乾淨衛生。下次要晚市再嚟，試下其他款式。