瑪拉小廚 (已結業)

上星期三，同事屋企冇飯開，問我有冇興趣同佢食下飯，吹下水，咁啱老婆約左d姊妹有飯局，我和同事就係大家冇飯局嘅情況下一齊食餐飯喇.因為之前去過佐敦小酒窩餐廳，野食都唔錯，於是帶同事去點知出事了，可能小酒窩食到出哂名了，星期三都有咁多人係門口等，行過隔離餐廳門口見到d食物相，好似小酒窩嘅菜式喎！這間餐廳叫瑪拉小廚，於是問門口嘅女侍應，原來係同一個boss開的，於是大家都想入去試試.餐廳格局基本上同小酒窩差不多，一來送一份脆薄餅，薄餅很脆而且有點咸香，配埋青咖哩醬，好好味！叫左份羊肉，係用鐵板上的，羊肉唔會太穌，加上配菜冇咁溜，份量很多呢，叫左印度咖哩芝士，這個真係好食！芝士唔會太咸，咖哩與芝士好夾，多多薄餅都唔夠點啊！叫左份招牌薄餅，有d似p記嘅至尊，不過這個好食很多，辣肉腸很多加黑橄欖，足料！芝士鋪滿成塊薄餅，餅皮又好脆，一流！好有水準，值得一試，最好就係尼泊爾momo餃子，普通豬肉餃子配辣椒醬，整體而言，瑪拉小廚食物好有質素，相信唔會令大家失望，美中不足就係餐廳座位比較夾窄，如果唔介意坐逼一點，真係值得大家一試！