吃吧 (僑建大廈) (已結業)

依家搵食係要向樓上發展啦😝，有啲樓上餐廳嘅質素都唔錯㗎！呢晚同J先生去咗良心西餐「吃吧」🍽，位於鬧市之中一座大廈，食物水平都唔錯喔，每一道菜都有亮點✨一齊睇吓我哋試咗咩菜式~————————————————👅慢煮甜酒燴和牛面頰（$188）👍🏻肉質超軟腍，刀叉輕輕一切就分開一絲絲肉絲，外圍痴住少少脂肪更香🐮，醬汁係揮發咗酒精嘅甜酒香，我哋兩個牛魔王都鍾意牛多啲👍🏻薯蓉嘅薯仔味比牛油味更重🥔順滑度媲美某伯伯signature薯蓉👅煙燻西班牙伊比利豬扒（$188）👍🏻上檯就聞到好香嘅煙燻木頭味🪵，一打開蓋就一陣夢幻白煙飄散出嚟，切件豬扒外層沾上胡椒碎，又濃蓋住煙燻香，肉質紮實👍🏻單食豬扒嘅燒烤味重啲🍖，搭配莎莎醬嘅酸味更開胃，Rum酒醬汁都唔錯👅吃吧招牌拼盤（$118）👍🏻一份有五款一口小食，每款兩件就唔洗爭餐飽啦🤣！蘋果肝醬酥幾有驚喜，玉桂蘋果夾中間嘅肝醬幾好味；蟹肉牛油果好fresh🥑有絲絲蟹柳碎；三文魚莎莎、煙火腿蜜瓜同雜菌酥盒嘅配搭就普通啲🍄 因為酥皮易受潮，記得要盡快食啊！👅液體麵包（$70）👍🏻樽身包裝好有gimmick，手工啤有輕微麵包香混和熱帶水果香🥭，尾調較山楂啤苦澀少少👅