自從位於謝斐道嘅舊舖租約期滿後, 已經close左好一段時間
加上疫情嚴重市道唔多樂觀, 好多老牌餐廳都係企唔住, 估唔到莎巴會選擇係灣仔重新開始
<牛油麥皮炒大蝦>
多年後黎食莎巴, 質素唔跌反升:)第一次嗌牛油麥皮炒大蝦, 香口唔油膩
大蝦超大超新鮮, 食落啖啖肉, 價錢少貴但高質, 大食妹推介
<蕉葉燒魚>
燒魚好大一條
蕉葉包住咁燒, 聞落好清香, 魚肉又多又嫩
<海南雞>
除咗海鮮之外, 經典嘅海南雞都值得一試
雞肉凍凍地, 配搭秘製醬汁, 清涼開胃, 夏天必食:)
<馬來巴東牛肉>
相信莎巴嘅忠粉一定知道呢道味道濃郁嘅巴東牛肉
以前食嘅時候覺得好辣, 宜家再食就偏咸唔夠辣
可能係改良過, 但大食妹真心覺得巴東牛肉就係要辣先夠經典好食
<油酥餅>
因為巴東牛肉口味比較重, 大食妹建議配撘酥脆又熱辣辣嘅油酥餅一齊食
<馬來沙嗲>
馬來沙嗲串燒可以揀牛或雞, 肉質比泰式串燒更瘦更健康
1
<海鮮喇沙>麵食方面可以揀唔同口味嘅喇沙, 配料好豐盛
喇沙湯底椰香十足, 香香辣辣
<檳城炒貴刁>
仲有鑊氣十足嘅檳城炒貴刁
<馬拉拉茶>
野飲大食妹最推凍馬拉拉茶, 大食妹嗌左半糖, 奶香順滑, 一啲都唔比外面嘅飲品店差
