莎娃迪卡 (已結業)

食泰國菜好多人都會諗起“小泰國”九龍城，但係……其實佐敦都有唔錯嘅泰國食店，今次我同大少就食咗一間喺我睇針灸中醫診所隔離街嘅泰國菜，間嘢就咁叫“莎娃迪卡”去過泰國嘅人都應該知道，呢個就係泰國女性同人Say Hi嘅意思~裝修唔算太泰國，但係店員都係有幾位泰國人泰式生蝦刺身 - 食泰國嘢點可以無生蝦刺身呢，呢個生蝦雖然唔係好夠爽口，但係生蝦最重要嘅靈魂就係個汁，佢個汁真係一啲都唔差，不過嫌佢唔係好夠辣，如果再辣啲一定重好味咸魚椰菜苗 - 其實唔知椰菜苗係唔係真係咁大棵，依家真係好難食到好幾年前喺元朗食過嘅“苗”同味道，雖然叫咸魚椰菜苗，但係唔係好夠咸魚味，可能因為未壓得夠，如果可以壓開啲咸魚再炒，一定會更加好味肉碎生菜包 - 味道好好，唔太濃味，辣味亦都好啱，因為肉碎生菜包太辣會唔好食，所以人個味道真係啱啱好，肉亦都好夠碎，有好多蔥頭去炒，所以好香泰式炒飯 - 非常似蝦膏炒飯，入面布好多雞肉，不過大少嫌太大嚿，應該再切細粒一啲，咁就會大家都可以分甘同味，味道唔會太咸，好啱用嚟撈汁食