今次嘅Rustico菜單將經典與當代融合 每一道菜背後都蘊含著廚師們對食材與烹飪藝術嘅熱情☺️加上餐館室內懷舊嘅紅磚牆 🧱 同木材結構開放式廚房 真係每一次嚟到都覺得自己置身於歐洲一樣！
今次嘅晚餐我哋試咗「西班牙岩蠔」配上4款特色醬汁 包括Bloody Mary Shooter, Mojito Shooter, Ceviche, Watermelon Gazpacho Granite 🦪 由店員教我哋配上唔同嘅醬汁享用 估唔到配搭唔同嘅特色醬汁 又真係可以令到生蠔更美味😻
另外不得不試呢度嘅「西班牙特色西瓜凍湯」 🍉 咁大個人真係第一次試飲凍湯 冇諗過原來凍湯都可以咁美味 特別適合夏日享用 🌞
而小食方面我哋試咗「西班牙鱈魚釀紅椒」同「加利西亞風味烤帶子」 兩款都各有特色 充滿着西班牙嘅地道色彩🧡
去到重頭戲就係「西班牙Rubia Gallega灸燒牛」同「招牌西班牙牛尾飯」 我夠膽講真係喺香港食過最好食嘅西班牙菜式！🥹 灸燒牛超有牛香 完全食得出dry aged牛嘅風味！而牛尾飯亦都超級超級有驚喜 食落比起平時嘅西班牙飯較為濕潤 加上一絲絲嘅軟腍牛尾一齊食 更加能夠帶出成個菜式嘅風味！
最後以一個「蕃茄造型嘅芝士蛋糕」 🍅 作為完美句號 芝士蛋糕已原個蕃茄作為模型超有特色 食落雖然冇咩蕃茄味 但都好refreshing又好食！😍
📍Rustico (荔枝角) #lala_foodie_laichikwok
荔枝角長義街9號D2 Place ONE地下G01號舖
