Picoso

營業中

休息中

我鍾意呢間墨西哥餐廳，因為可以選擇唔辣，而桌上既辣椒汁亦可以自行決定落幾多，自由度好大，唔會好似其他墨西哥餐廳set緊左一定係辣無得改。辣椒汁包裝都勁墨西哥風格，色彩繽紛。餐廳入面既粉紅花花牆影相都好靚。烤肉狂歡薄餅 Quesadilla 薄餅切好左，裡面夾左兩款烤肉醬，薄餅上都係牛油果醬同蕃茄粒。份量多，好香口，選擇左唔辣都依然好味。炙熟牛扒鐵板燒生洋蔥墊底，以防牛扒被鐵板燒太熟。鐵路上桌時”咋咋”作響，噴出煙充滿濃郁牛肉味。還附有薄餅夾牛肉食，我鍾意放埋蕃茄粒同塗上牛油果醬一齊食。金黄香脆蟹肉餅2塊蟹肉餅，好香！外皮炸到脆卜卜，裡面塞滿蟹肉，真係一絲絲蟹肉，真材實料，仲要大大塊，還有沙律菜伴碟。jamaica墨西哥洛神花茶特飲洛神花茶係墨西哥一款常見飲料，洛神花有好多好處，例如促進新陳代謝、美肌、緩解身體疲勞、生津止渴。洛神花茶酸酸甜甜，清涼好開胃，炎炎夏日飲勁正。