金酒屋

營業中

休息中

唔係同事介紹都唔知道原來荔枝角有間咁高質嘅日本餐廳，OT後其實胃口麻麻，唸住陪同事食少少飲返兩杯就算數。除咗叫咗少少串燒，最特別食咗雞皮燒蝦，出邊冇試過呢個配搭，估唔到幾好食。和牛燒飯我覺得呢個係特登為啲人打卡而設，經過師傅輕輕燒下塊和牛，配飯團同埋蘭王蛋，每啖除咗食到和牛嘅油脂，仲有濃濃嘅蛋香。牛肉烏東係一個飽肚之選，稻庭烏冬好滑，塊牛肉都好好食，牛肉係薄切雖然唔係和牛，但係都唔會好韌而且有牛味，夜晚食完一餐豐富嘅宵夜，叉足電明天繼續努力工作。