Catio (已結業)

荔枝角呢棟工廈出名多嘢食，今次就發掘到呢間休閑慢活cafe，有齊牌照等食客食得安心，除咗提供唔同主食之外，仲有好多貓貓陪你過一個relaxing afternoon!餐廳環境乾淨企理以木調為主，坐得舒服。呢度嘅貓貓都唔怕人，走來走去又會跳上餐椅望下你食咩，見到好多小朋友都玩得好開心🥰惹味冬陰燉雞意粉睇個名本來有啲猶豫，點知食落去味道好有驚喜！意粉雖然煮得較淋，但食落口有冬陰功輕微辣勁，燉雞、蘿蔔、薯仔等配料全部都煮到入口即溶！主子最愛炸魚薯條兩大塊炸魚跟薯條同沙律，炸粉好薄而且魚肉肉質軟稔，配埋茄汁同甜酸醬，配搭出唔同味道。最開心配菜沙律有少量麻醬一解膩感！Latte, rose chocolate 我飲嘅rose chocolate朱古力味好濃，有淡淡玫瑰香但唔怕死甜，表面心形拉花仲好可愛！