🍽️試食直擊：
1.黑金滷肉煎蘭王蛋飯 ：個蘭王蛋真係幾出色！煎得邊位微焦，蛋黃嫩滑，蛋香好濃～反而個「黑金」滷肉就無太突出嘅特色，鹹香算夠，但未到驚喜程度，拌飯食算飽肚，適合簡單lunch。
2.麻辣鴨血拌麵 拼 鹽酥雞 ：鹽酥雞係呢餐最正嘅！外皮脆身唔油，肉質嫩，有返台灣夜市「豪大大」嘅feel，值得一試～至於鴨血，味道比較淡，建議一定要將鴨血嘅汁同拌麵勻勻拌開，先會夠味唔乾身，麻辣度幾温和，唔怕辣嘅朋友都接受到。
3.台農地瓜條 ：地瓜本身嘅香甜味好濃，但外皮有少少厚，咬落偏硬，鐘意扎實口感嘅可能會鍾意，不過如果可以炸得再軟腍少少就好啲。
4.期間限定開心果飲品 ：開心果味比較淡，走清爽路線，唔會太甜，但如果期待濃郁開心果味嘅可能會有少少失望，鐘意淡口飲品嘅朋友就無問題。
間店環境乾淨，出餐速度幾快，不過整體價錢唔算平，質素就中規中矩～如果專登為咗鹽酥雞同蘭王蛋過去都可以，但其他菜式就屬於「試過無遺憾」嘅類型。鍾意台灣小食、又喺附近嘅朋友可以順便試吓～
#荔枝角美食 #台灣小食 #小餅台吃 #花斑茶社 #香港台灣菜 #荔枝角探店 #食評實測
