2/3 Dolci (已結業)

舅父牛一請食飯，其中一位賓客喺酒樓附近一家餅舖「2/3 Dolci」買咗個靚靚生日蛋糕「Amore」作賀禮。Amore（$420）：鮮紅色o既Amore蛋糕除咗外表艷麗，原來都頗有內涵。蛋糕濕潤得黎好軟綿綿，第一口已嚐到玫瑰o既芳香及荔枝略甜o既味道，甜度就猶如其外表般濃烈，如果可以輕手少少效果應更佳。每磅$420其實一啲都唔平，但考慮到餅舖所用o既材料高質，層次豐富o既蛋糕所需o既時間及工序又不少，小肥最終覺得依個價錢尚可以接受。