今次試試一個未試過嘅先!
招牌芝士牛肉塔咖哩（$76)
草妹佬飯頭號最愛係咖哩牛腩飯❤️，呢到雖然冇，但點左個差唔多嘅。咖哩帶點香料，食落味道接近東南亞口味🏝，少辣🔥，味道都唔錯，唔係Hea Hea咁用d得隻色嘅咖哩。雖然表面見到唔少芝士🧀，但與咖哩伴勻後，老實講芝士味俾咖哩蓋過。牛肉份量好多又大片🐂，大約都有6塊，不過質感就乾身左d，唔夠軟腍。最正應該係薯仔炆得入味又夠腍🥔，加埋咖哩汁送飯一流🍛。
1
1
帶子。海鮮芝土熔岩蛋醬飯 ($98)
之前食過配菜係鰻魚蟹籽嘅熔岩蛋醬飯🐣，今次試埋帶子。食落幾驚喜，感覺似刺身帶子，口感軟腍。配菜仲有蟹籽、魷魚同蜆。🦑魷魚仔算鮮味，加埋大量蟹籽脆卜卜口感好好，然後倒入勁惹味嘅泡菜、紫菜、芝士🧀同蛋一齊去炒個飯，呢個組合冇得輸，好難唔好食呢😌可惜價錢貴，唔抵食，平日平平地都係叫個冇海鮮嘅，平一大截😝✌🏻
1
1
綜合水果茶 (跟餐+$20)
Mix Fruit Tea
每次嚟都叫呢個，夠大杯又唔係死甜，飯意嘅水果茶的確幾岩草根口味🍹👍🏻
1
