たいおいしい鯛魚湯料理 (已結業)

見到路德圍呢度開左間新既鯛魚湯料理，趁天氣有少少凍，啱曬食魚湯泡飯或者魚湯既麵食～呢度既泡飯同烏冬有好多款唔同既海鮮搭配，仲有各款定食可以嗌，魚湯每日用上大量鯛魚熬煮，湯底鮮甜，值得一試啊😌 1⃣️鮮帶子三文魚籽湯飯（$128） 湯飯原鍋上好正。仲一路有火係下面暖住個鍋～啱曬冬天食🥰湯底呈奶白色，飯粒煮得入曬味。配料仲有啲海帶、木耳、白菜。帶子同三文魚籽加埋鯛魚湯底，成個海鮮味好足～  2⃣️鮮蜆大蝦湯烏冬（$88） 有兩隻大大隻既虎蝦🦐另外蜆都大粒多汁，冇沙。烏冬彈牙👍  3⃣️蒜片牛粒溫泉蛋定食（$108） 定食有漬物、溫泉蛋、飯同埋湯。個漬物係八爪魚。另外飯係佈滿飯素既，撈埋溫泉蛋食好好好味😋蒜片牛柳粒咬落多汁，帶燒汁甜甜地既香味，夾埋伴碟炸脆既蒜片一齊食好好食。  4⃣️唐揚魷魚鬚（$58） 魷魚鬚都彈牙，炸得夠脆，唔錯😄  5⃣️唐揚墨魚咀（$48） 唔小心嗌左兩個小食都係魷魚🙈仲要都係唐揚😂但係兩個都好食！墨魚咀好彈，仲有沙律醬可以點黎食。