影片
更多
2021-07-26
77 瀏覽
呢幾日好似食得太好，都想食返啲清清地嘅晚餐！見到呢間簡約台式食堂，見到都幾多人幫襯，排咗一陣隊就入咗去試吓！見到大堂都幾簡約，主要都係由木製傢俬襯托，連上菜都係用木製托盤！🍡三寶奶茶 （跟餐加$16）一開始望到點菜紙，見到個飲品名都諗緊咩叫係三寶奶茶，嚟到嘅時候先知道原來三寶係有仙草，紅豆同珍珠！飲咗啖覺得奶味比起茶味更加重！🍡蒟蒻粒白桃烏龍 （跟餐加$12）超級香白桃味😍😍估唔到同時都冇烏龍茶嘅苦澀味！仲食到一粒粒嘅蒟蒻，口感好豐富！🍡滷水豆腐 HK$25食得出啲豆腐係用咗硬豆腐，味道我覺得算比較清淡，但咬落去的質感又好有彈性，有啲似魚片嘅口感！🍡酸辣湯 （跟餐送）其實呢個一人餐會包一個湯或者一個甜品，但係我同朋友都對個甜品冇乜興趣，所以就揀咗呢個酸辣湯！離遠都聞到酸辣湯嘅酸味，辣相對比較低！而且都唔會煮到太濃稠，所以都幾好！🍡紅燒燉牛腩 HK$84牛腩炆得好腍，醬汁亦都入晒落牛腩度，我覺得以台灣嘅家常小菜來講，呢個小菜顯得更加住家feel！🍡香酥雞排 HK$69總共有三款口味可以揀，包括有椒鹽，麻辣及咖喱！而我今次就揀咗椒鹽味！椒鹽雞外表勁鬆脆，每一啖都咬到索索聲，但肉質有少少老
見到大堂都幾簡約，主要都係由木製傢俬襯托，連上菜都係用木製托盤！
🍡三寶奶茶 （跟餐加$16）
一開始望到點菜紙，見到個飲品名都諗緊咩叫係三寶奶茶，嚟到嘅時候先知道原來三寶係有仙草，紅豆同珍珠！飲咗啖覺得奶味比起茶味更加重！
🍡蒟蒻粒白桃烏龍 （跟餐加$12）
超級香白桃味😍😍估唔到同時都冇烏龍茶嘅苦澀味！仲食到一粒粒嘅蒟蒻，口感好豐富！
🍡滷水豆腐 HK$25
食得出啲豆腐係用咗硬豆腐，味道我覺得算比較清淡，但咬落去的質感又好有彈性，有啲似魚片嘅口感！
🍡酸辣湯 （跟餐送）
其實呢個一人餐會包一個湯或者一個甜品，但係我同朋友都對個甜品冇乜興趣，所以就揀咗呢個酸辣湯！離遠都聞到酸辣湯嘅酸味，辣相對比較低！而且都唔會煮到太濃稠，所以都幾好！
🍡紅燒燉牛腩 HK$84
牛腩炆得好腍，醬汁亦都入晒落牛腩度，我覺得以台灣嘅家常小菜來講，呢個小菜顯得更加住家feel！
🍡香酥雞排 HK$69
總共有三款口味可以揀，包括有椒鹽，麻辣及咖喱！而我今次就揀咗椒鹽味！椒鹽雞外表勁鬆脆，每一啖都咬到索索聲，但肉質有少少老，但總體來講都算合格！
🍡滷肉飯 （跟餐加$10）
一眼望落去就見到豬肉好平均地半肥瘦，一半係肉，一半係肥膏！滷肉亦都係煮到好淋，肉汁好香好夠味！
🍡手撕台灣走地雞肉飯 （跟餐加$18）
飯粒用咗珍珠米，上面鋪滿哂好多嘅雞肉，有啲似鹽水雞嘅味道！但愈食落去唔知點解覺得有少少似鹹蛋黃味！雖然外表望落去似一碗白飯，但係其實佢飯底有唔少嘅雞油，所以食落其實都覺得幾香！
張貼
