紐約客 (已結業)

首先，舖頭裝修睇得出花左一定心思！以美國/紐約為題，有立體、倒吊嘅車/城市剪影，亦有懷舊嘅英文歌播放機，第一次到訪已令我深刻印象，有別於模糊印象嘅其他all day breakfast/漢堡食店！其次，食物質素實在唔錯，我同老公點左「磨菇牛肉漢堡配薯角」、「蒜片鮮蝦炒扁意粉」、「士多啤梨奶昔」、「蜜糖檸檬酸」。牛肉新鮮煎出，一咬落去真係感覺到juicy，肉汁多到成手都係！pasta嘅蝦味道亦新鮮入味（可能因為好味，食完仲想re order多一個pasta添）。士多啤梨奶昔整得好靚架，味道亦唔錯！最後值得一讚係員工 ，因為我估間舖頭都仲新，啲員工應該都係新請返黎，但佢地會互相提醒，例如我聽到「阿xx呀，嗰邊x號臺個客好似想落order呀，幫幫佢先，呢臺我執吖」又例如我地每食完一碟，佢地過黎收碟時都好客氣咁問「呀，小姐呀，不如我幫妳收一收啲嘢先，好嘛？」以每個員工都係後生仔/女黎講，呢種工作態度都幾難得，抵讚！