影片
更多
2021-10-28
176 瀏覽
行完南豐紗廠喺工廠嗰一頭搵嘢食，上openrice見到呢一間嘅評語唔錯就去試下佢地既set dinner。Set dinner ($68) 跟湯，廚師推介小食，飲品同埋甜品。*前菜: 櫻花蝦湯*雖然唔係食到好多舊櫻花蝦，但係個味道超重櫻花蝦味。飲落感覺用咗唔少蝦殼去煲，所以呢個湯我已經覺得值回票價！*主菜: 蒜香辣椒蜆肉意大利粉配軟殼蟹 ($128)*份量比我想像中多， 佢係用石鍋出呢一個意粉畀我，影完相食都仲好暖。 軟殼蟹大大隻！咬落啖啖肉唔會淨係得炸粉！ 意粉香辣多蒜，仲有唔少蜆肉，非常足料惹味！*主菜: 海鮮忌廉汁扁麵配挪威三文魚($118)*呢個意粉擺盤幾靚， 佢飲咗三文魚嘅意欲去包住一啲小芽菜，望落有心思！ 意粉同樣都係有好多蜆肉同埋佢嘅忌廉汁都好多， 雖然係多汁但係唔會覺得 膩，個三文魚係上菜時係捲起咗，以為唔係好多，但係拎返出嚟原來都好大嚿， 每啖意粉都可以食到三文魚肉同埋蜆肉，所以都幾抵！*小食: 秘製雞塊*雞塊係新鮮炸好嘅食落脆卜卜，唔厚粉，入面嘅雞肉都好juicy少少辣辣地，好惹味！*甜品: 蛋糕放題*啲店員同我哋講我哋嗌咗套餐加一蚊可以食蛋糕放題，擁有第二個胃嘅我
行完南豐紗廠喺工廠嗰一頭搵嘢食，上openrice見到呢一間嘅評語唔錯就去試下佢地既set dinner。
Set dinner ($68) 跟湯，廚師推介小食，飲品同埋甜品。
*前菜: 櫻花蝦湯*
雖然唔係食到好多舊櫻花蝦，但係個味道超重櫻花蝦味。飲落感覺用咗唔少蝦殼去煲，所以呢個湯我已經覺得值回票價！
*主菜: 蒜香辣椒蜆肉意大利粉配軟殼蟹 ($128)*
份量比我想像中多， 佢係用石鍋出呢一個意粉畀我，影完相食都仲好暖。 軟殼蟹大大隻！咬落啖啖肉唔會淨係得炸粉！ 意粉香辣多蒜，仲有唔少蜆肉，非常足料惹味！
*主菜: 海鮮忌廉汁扁麵配挪威三文魚($118)*
呢個意粉擺盤幾靚， 佢飲咗三文魚嘅意欲去包住一啲小芽菜，望落有心思！ 意粉同樣都係有好多蜆肉同埋佢嘅忌廉汁都好多， 雖然係多汁但係唔會覺得 膩，個三文魚係上菜時係捲起咗，以為唔係好多，但係拎返出嚟原來都好大嚿， 每啖意粉都可以食到三文魚肉同埋蜆肉，所以都幾抵！
*小食: 秘製雞塊*
雞塊係新鮮炸好嘅食落脆卜卜，唔厚粉，入面嘅雞肉都好juicy少少辣辣地，好惹味！
*甜品: 蛋糕放題*
啲店員同我哋講我哋嗌咗套餐加一蚊可以食蛋糕放題，擁有第二個胃嘅我哋一定唔會錯過呢一個機會！ 蛋糕款式都有幾多有咖啡榛子，抹茶芝士，栗子，奶茶等等。 雖然佢係放題嘅蛋糕，但係每一件嘅質素都係屬於中上， 遠超我哋嘅預期！海綿蛋糕比例同cream嘅比例夾得啱啱好之餘仲唔覺得太甜太膩！ 我地最鍾意嘅係咖啡榛子味，咖啡味特別香濃！ 我哋食完都好想問返店員啲蛋糕係自己整定係出去買，不過最後都係冇問。
呢一間cafe可以望到荃灣嘅海景，其實由海旁行過去都好近唔使十分鐘， 佢食物質素同擺盤都好有心思，仲有高質蛋糕放題，我去荃灣會再選擇呢度！
張貼
