亞萊嘜嘜 (已結業)

離開煩囂嘅鬧市，今日同朋友到南生圍散下步，順便一嚐同事介紹嘅泰越特色餐廳－亞萊嘜嘜，個名幾趣怪🤣！👍🏻👍🏻餐廳嘅店內外都有唔同嘅泰國木橡同裝飾，店內環境乾淨企理😄，設計摩登新淨，地方都幾大座位夠晒闊落，坐得舒適自然食得開心。食物選擇都幾多有二／三／四人餐，價錢亦相當街坊價，啱晒一家大細過嚟食。❤雖然人流好多但係我地叫左野食唔夠5分鐘，啲野食就陸續上枱，完全唔需要等，侍應都好有禮貌，依樣服務質數不得不讚！👍🏻👍🏻👍🏻講返食物方面重點推介－椰汁雞湯！依個湯有別於街外一般嘅雞湯，飲落完全無味精仲好有泰國風味，酸酸甜甜十分開胃😋，入面仲勁足料唔會話得兩三塊雞肉！咖哩牛肉配印度薄餅—咖哩上面加左啲豆角令口感更加豐富，咖哩亦唔會一味得個辣字，加埋即叫即整仲熱辣辣嘅薄餅，簡直配合得天衣無縫令人一試難忘😆😆。馬拉盞炒通菜－馬拉盞可以話係食泰國菜一定要點，雖然做法簡單但係要煮得好味就一啲都唔簡單🤤，依到嘅馬拉盞炒通菜就炒得好夠鑊氣，鹹鹹香香相當惹味，味道適中又唔會太咸，而且通菜亦好爽口，軟硬度適中，令人食唔停口！😄😄飲品亦十分足料👍🏻，完全唔馬虎，睇下杯龍眼冰幾多龍眼！！清新又香甜嘅龍眼肉，極讚！食完泰