波士冰室 (已結業)

前幾日見到荃灣開咗呢間新嘅冰室，我就約咗朋友一齊去食晚飯，依家好流行冰室，所以我哋都去湊下熱鬧。見到呢個十大必食嘅餐牌，所以我哋都叫咗呢啲嘢食。呢個係瑞士雞翼，賣相都好吸引，而且顏色仲整得好夠色水，味道非常入味，不過佢個瑞士雞翼係偏鹹啲嘅，而且連入面嘅肉都有味。呢個係焗豬扒飯，份量真係非常之大，而且塊豬扒差唔多有我兩隻手板咁大，焗得好香，而且豬扒整得好軟熟，蕃茄汁味道酸酸甜甜，加埋個炒底嘅飯，好開胃。我哋仲叫咗個炸雞比薯條，炸雞髀都係好大隻，熱辣辣咁，每啖都啖啖肉，又香又脆。