澳門街雞煲火鍋 (已結業)

今日放低左小朋友~ 同朋友兩個人去左荃灣三陂坊到食雞煲😋我真係好鍾意食雞煲架，每過一段日子就有舖癮🤣🤣今次去呢間澳門街雞煲火鍋除左雞煲之外，仲有鑊氣小菜，不過今日都係主打雞煲🤣🤣雞煲一上枱已經聞到好香，滿滿芫茜係面，勁正呀，食落去好香又惹味！食到咁上下就開始加湯打邊爐，佢地真係用湯，唔係用滾水，所以唔會溝淡個湯底，由於係任食任飲，我地可以自由夾食物打邊爐。佢地所有食物都有入雪櫃同有門，唔會暴露係外面，所以都算衛生。另外飲品都好多選擇，啤酒都有幾款，仲有涼茶同汽水，啱晒打邊爐。