楓林小館 (已結業)

今次去咗荃灣廣場一間酒樓食晚飯🍚價錢正常，食物選擇都幾多。.整體食物正常水準😄金磚豆腐粒外層微微脆身，如果可以更脆就更好😌乳鴿唔錯，酒樓會俾埋手套同濕紙巾你，食落冇咁論盡😝蜜椒薯仔牛柳粒薯仔煮到超腍，牛柳粒食落都肉質軟腍冇筋，我覺得薯仔如果係有炸過，咬落外層脆口就更正。見到佢哋有樣餸菜叫獨家手抓羊排，感覺比較少見，所以叫嚟試吓。因為啲羊肉係炸過所以有啲望落好似好乾，但由於係用咗羊腩部位，所以食落其實大部分肉都幾嫩滑同埋幾肥。香辣嘅味道都幾啱送飯🤣.環境就係一般酒樓咁樣，侍應服務態度幾好同都幾殷勤🙂最啱住附近嘅人同屋企人esp長輩嚟食🤣當晚見到現場嘅食客年齡層都偏高🤣