陶源酒家 (已結業)

估唔到喺荃灣工業區附近都搵到一間高級靚啲嘅酒樓 入邊啲點心雖然係貴少少 但材料幾靚 肯俾返咁上下質素顧客食！依家就同大家介紹下先！🧞‍♂️🧞‍♂️🧞‍♂️首先佢碟蝦腸嘅蝦都好大隻 有啲新意用咗啲脆卜卜既食材做配菜 唔係傳統嘅淨蝦腸！你仲可以見到外邊嘅腸粉係有光澤㗎！食慾大增！碟棉花雞先最出色啊！🧚‍♂️🧚‍♂️🧚‍♂️嫩滑嘅雞肉係好大塊 多到瀉出嚟！！雖然佢都係用冰鮮嘅雞肉 但起碼唔會好重雪藏味或者俾你感覺擺咗好耐🧞‍♂️依家食仲係好嫩口！棉花雞好淋！最重要嘅係佢唔會整到好油 我好怕好似索晒啲雞油之後食落肚嘅感覺☠️☠️ 呢碟棉花雞就唔會啦🧚‍♂️好似真係吸左啲高湯咁🧚‍♂️好食！！仲有個野菌餃要推介俾大家！🧞‍♂️🧞‍♂️🧞‍♂️佢用蠔油炒好晒啲雜菌 再加左啲蘿蔔粒同西芹粒令到有啲咬口爽口嘅感覺 成件事好香！呢間酒樓真係值得推薦比大家！唔識路嘅話 大家沿着消防局往荃景圍天橋方向行就會見到呢間酒樓㗎啦 都算易搵不過就冇乜車到🧚‍♂️