彩晶軒 (已結業)

以前都去過如心廣場V cuisine飲茶，走高檔路線不過價錢唔算好貴(即係都唔叫平)，飲餐茶一人五六十蚊走唔甩，不過今期幫襯左個套餐都叫扺食，雖然話係四人套餐，不過竟然夠6個人食。頭盤係超大盆沙律：意式燒豬脾野菜沙律，燒豬脾應該即係火腿，不過估係高級小小的火腿，前菜酸酸甜甜都幾開胃。接著係個湯，一個十分濃味的湯，不過感覺都幾特別，湯底似係豬骨湯，但落左好多腐竹，望落好似腐竹糖水，不過飲落又幾好味。再跟住係碧綠玻璃蝦球，簡單呢講係西蘭花炒蝦球，雖則同一般酒家食的西蘭花炒蝦球無咩分別，最大分別係蝦球真係好大隻同埋都相當爽口，仲一碟有成七、八隻大蝦自從某位食神整左句雞有雞味，魚有魚味，我先知原來雞有雞味都係一種標準，這味雞，一句講哂，夠雞味，而且仲好肥!食雞脾野要特登挑肥糕出返呢水伴荷芹：淨係睇名，真係估唔到係咩，其實係豆角炒雲耳炒馬蹄，齋菜我唔係太好，所以無咩點食，套餐有個菜，清清地都幾好金桔蜜醬燒骨：是餐最愛。好香好濃柑橘味，酸酸地，好惹味，而且話就話燒骨其實無咩骨，都係肉。個場真係好靚，最得意都係擺設，我地張枱後就就擺左套戲服。