小蟻人 甜品西餐 (已結業)

小蟻人，第一次食原來係一間西餐廳，餐牌選擇好多，重有d set lunch..不過我地就叫左單點無嗌set喇！由於我同朋友都好鍾意飲湯，所以叫左兩種share試下，法式香濃青蠔湯，有三隻青口，幾足料，真係好香好濃味！海鮮味好重！正呀!泡沫黑松露煙三文魚大蒜薯蓉湯（個名好長，哈哈），同樣不錯，湯既底部有煙三文魚，同上面果款一樣，好夠味！主菜：黑松露有機意大利飯, 黑松露味好香，意大利飯唔會太林⋯夠juicy!! 份量都幾多架，兩個人share食就非常好！飲品係青蘋果柚子沙冰同荔枝蘋果梳打我比較喜歡柚子沙冰，因為柚子味好出⋯再加青蘋果既清新味，好夾！其實我已經好飽，但朋友重話有個甜品肚，叫左個緣茶窩夫配雪糕，雪糕係movenpick..正呀！(雪糕有幾隻味揀) 份量好大⋯窩夫重係暖暖地有少少脆，窩夫入面重有朱古力粒粒！因為好好味⋯飽都忍唔住食得晒！哈