泰玖 (已結業)

荃灣泰菜越開越多，今晚同朋友經過曹公坊，見呢間新開泰菜“泰玖ThaiNine”，我地都係泰菜迷，一於入去試下......💓餐廳設有上下兩層，地面提供吧檯座位。店鋪裝潢以型格工業風設計，懷舊地磚等裝潢元素，帶點復古風，好啱與好友邊食邊打卡。菜式由泰籍廚師主理，食物定價貼地，中午有午市套餐揀。我同朋友揀左幾款經典嘅泰菜....🍲泰式拼盤 $118 好豐富嘅拼盤，有單骨雞翼，雞卷，蝦餅，魚餅，炸得香脆又唔油膩，配上泰式醬汁，突出鮮味。蝦餅肉質新鮮又彈牙。🥘大頭蝦炒金邊粉 $138餐廳推介菜式。2隻新鮮大頭蝦，食前要撈勻花生碎,辣椒粉,酸汁,青檸汁，食出鮮味。金邊粉炒得乾身不油膩，味道變得酸甜帶點辣，是我必點菜式之一！🫕泰式青咖哩雞肉 $118有青,黃,紅咖哩可以選擇，我揀左平時少食嘅青咖哩。推介比唔食辣但又想試咖哩嘅朋友仔，混合椰香嘅青咖哩，有微甜咖哩香葉味，雞件大小適中，配上泰國茄子及青豆，點咖哩汁夾薄餅一齊食，停不了口！🥟加$30配薄餅煎得好香好脆，厚薄適中，有口感。飲品🍹點左凍泰式奶茶及蜜桃冰茶甜味調較剛好，茶香夠濃。..第時帶朋友嚟荃灣試下呢間泰菜先得！🤩