泰玖 (已結業)

呢間位於荃灣曹公坊嘅泰國菜餐廳裝潢好有特色，裝潢走工業風，餐廳樓高兩層，座位以日式居酒屋嘅bar枱作設計，散發出型格氣息。金不換炒牛肉河粉 ($118)食到有啲香料味，而且食落好有鑊氣，河粉夠晒煙韌有咬口！好鍾意食呢個質地😍唔係度度地方都有呢一種寬河粉食，會想再食多次！惹味咖哩炒軟殼蟹($168)配料有洋蔥，咖哩，青椒同軟殼蟹等唔咖喱汁好惹味，味道甜甜地，食落好香，唔食辣嘅朋友仔都食到，軟殼蟹幾大隻，而且都幾多肉！泰奶提拉米蘇($78)平時食Tiramisu 食得多，但用泰式奶茶整嘅Tiramisu就真係第一次試！同埋呢個造型感覺上好似食緊盒子蛋糕咁🤣層次分明，食完都唔覺得好漏地址：泰玖荃灣曹公坊5號地舖。