老媽拌麵 (荃灣廣場) (已結業)

行完街就上四樓搵嘢食，耐無去台灣，屋企又難整，唯有去老媽拌麵食個台灣下午茶頂頂癮。🔹烤台灣香腸肉燥飯 甜甜地少少烤焦嘅台灣香腸喺我至愛，肉燥份量頗多，可以撈到粒粒飯都充滿油香。🔹️台式原味蛋餅蛋餅都係台式食店必點項目，材料雖然簡單（蛋，蕃茄，生菜，肉鬆，沙拉醬），但加埋一齊就變得唔簡單。🔹️清燉三寶牛肉湯麵湯頭清甜，三寶之中，最入味係牛筋，跟住金錢肚，牛展雖然比較淡口但留到最後飲啖湯一啖麵剛剛好。下午茶可以加+$22有唔同小食，揀咗香煎蔥抓餅，香脆可口。