Vici Stage (已結業)

今日老公話放低兩個小朋友帶我去威，於是就嚟左荃灣沙咀道寶石樓對面間酒吧。入到去坐低，叫靚仔職員介紹啲好嘢俾我地，靚仔哥哥就首先上左兩杯雞尾酒俾我地。1.Dancing grape 🍇佢用一個日式茶壺裝住，我以為係熱茶，原來係酒，呢杯酒由巨峰提子汁、氈酒、檸檬汁同埋鳳梨汁溝埋一齊, 酸酸甜甜咁好入口。2.Hakuna Matata🤟呢個名嘅意思係不用擔心，大家飲完呢杯用由薑啤溝高濃度冧酒嘅酒不用擔心，唔會醉，入口清新。而且佢用一個夏威夷復活石像🗿個杯裝住啲酒好搞鬼。🤟3.脆皮豬頸肉呢個豬頸肉炸得好脆肉好淋，切成一條條比起切片更彈牙。💯4.鹹蛋黃香脆雞翼雞翼有六隻而且體積都唔細，外皮炸得好脆仲沾滿鹹蛋黃醬，一入口有好香嘅鹹蛋黃味，配埋雞尾酒真perfect。5.泰國蘆筍蟹肉炒飯呢碟炒飯唔單只有蟹肉仲有蟹膏，食一啖炒飯已經食到蟹肉加蟹膏仲有脆蘆筍，成個口都係蟹味，好鮮味。份量仲要唔少喎，估唔到酒吧有咁好食嘅炒飯。總括嚟講呢一餐食得好滿足，因為係一間酒吧可以飲到好飲嘅雞尾酒，食到咁好味泰式嘅佐酒小食同炒飯。老公今次有眼光，識簡呢間高水準酒吧。以後可以帶啲friend放工嚟呢度食飯浦吧飲酒一次過